"Бавария" ўз уйида 5 та, "Боруссия" эса 3 та гол уриб йирик ғалабани қўлга киритди!

27 февраль, 2021, 21:32
0
Футбол

Германия Бундеслигаси 23-туридан ўрин олган бир қанча учрашувлар ўз ниҳоясига етди. "Бавария" ўз уйида "Кёльн"ни меҳмон қилиб, йирик ҳисобдаги ғалабани қўлга киритди. 5:1 ҳисобидаги ғалабани қўлга китритган мюнхенликлар сафида голларга 18-дақиқада Шупо-Мотинг, 33 ҳамда 65-дақиқаларда Роберт Левандовски (дубль) муаллифлик қилган бўлса, Серж Гнабри захирадан майдонга тушиб 82 ва 86-дақиқаларда гол уришга муваффақ бўлди.

Шу тариқа, йирик ғалабани қўлга киритган "Бавария" ўз очколари сонини 52 тага етказиб олди ва 2-ўриндаги "Лейпциг"дан 5 очко илгарилаб кетди.

Совринли ўринлар учун даъвогарлардан бири ҳисобланган "Боруссия" Дортмунд ҳам ўз уйида "Арминия"ни қабул қилиб, 3:0 ҳисобида ғалаба қозонди.

Дастлаб, жамоадошидан узатма қабул қилиб олган Махмуд Дауд аниқ зарбаси билан ҳисобни очди. Иккинчи гол пеналтидан киритилди. Тўп қаршисига келган Санчо дарвозабонни ожиз қолдирди. 3-гол эса 81-дақиқада Рейньер Жезус томонидан урилди.

Ушба ғалабадан кейин дортмундиклар ҳисобидаги очколар сони 39 тага етди ва улар 5-ўринга кўтарилди. Меҳмонда имкониятни бой берган "Арминия" 18 очко билан 16-ўринни эгаллаб турибди.

90+1'
Учрашув якунланди! "Бавария" ўз уйида рақибини аяб ўтирмади. Матнли трансляцияни Абдулла Маннонов олиб борди. Эътиборингиз учун раҳмат!
88'
Киммих ўрнига Мартинез ўйинга қўшилди.
87'
Сане ўрнига Тиагу Данташ ўйинга қўшилди.
86'
ГОООООООООООООЛЛЛ!!! Горецканинг заргарона пасини Гнабри боши билан дарвозага михлаб қўйди! Захирадан тушиб дубль! 5-1!
85'
Исмаил Якобс ўрнига Каттенбах ўйинни давом эттирадиган бўлди.
82'
ГООООООООООООООООООООЛЛЛ!!! Лукас Эрнандеснинг узатмасини Гнабри дарвозага жойлаб қўйди! 4-1!
80'
Левандовски ҳужумда фол қайд этди.
77'
Доминик Дрекслернинг зарбаси дарвоза устунига тегиб қайтди!
76'
Горецканинг жарима майдони ташқарисидан туриб берган хавфли зарбасини дарвозабон қайтарди.
75'
Фантастикааа!!!! Нойернинг хатога йўл қўйди, у олдинга чиқиб кетди! Рақиблар бўш қолган дарвозага зарба берди! Тўп устунга тегиб қайтди, қайтган тўп ноаниқ зарба билан ташқарига чиқарилиб юборилди!
74'
Горецка қизишиб кетди, у рақибини чалиб йиқитди.
73'
"Бавария" ҳам ресурсларини ишга солади: Альфонсо Дэвис ўрнига Леон Горецка ўйинга қўшилди.
72'
Навбатдаги ўзгариш: Маркус Гиздоль захирага олинди, Макс Майер майдонга тушди.
71'
Меҳмонларда ўзгариш: Элвис Рексбечай ўрнига Доминик Дрекслер ўйинга қўшилди.
70'
"Кёльн" аъзоси Элвис Эркбечай бурчакдан тўпни ўйинга киритиб берди. Бироқ хавфли вазият юзага келмади.
67'
Томас Мюллер жарима майдончаси ичига тўпни ажойиб тарзда етказиб берди, бироқ Левандовски зарба бера олмади.
65'
ГООООООООООООООООООООООООЛЛЛ!!! Мюллернинг майдонга тушиши биланоқ илк тўпга тегиниши ассистга айланди! Ҳа, Левандовски уни соғинибди!
65'
Эрик Максим Шупо-Мотинг ўрнига Серж Гнабри ўйинни давом эттиради.
64'
"Бавария"да ўзгариш: Жамал Мусиала ўрнига ваниҳоят сафга қайтган Томас Мюллер ўйинга қўшилди.
61'
Шкири жарима майдончаси ичига узатма амалга ошириб берди, бироқ ноаниқ.
58'
Мариус Вольфнинг шунча қилган ҳаракатлари бесамар кетди. Қарши ҳужум.
56'
Меҳмонлар бир қанча калит паслар билан ҳам олдинга, ҳужумга ўтиб кета олмаяпти.
54'
Бурчак тўпидан сўнг 2-қаватда "Кёльн" аъзолари устунликка эришди. Позицион ҳужум давом этади.
53'
Зюленинг уринишлари бесамар кетмади. Бурчак тўпи ишлаб олинди.
51'
Киммих бурчакдан тўпни ўйинга киритиб берди, ҳимоячилар тўпни боши билан узоқлаштирди.
48'
Тушунарсиз вазият? Киммихнинг йиқилганидан унумли фойдаланган "Кёльн" аъзоси дарвозани ишғол қилди! Ҳамма ҳайратда. 2-1!
47'
"Бавария" футболчилари бир-бирига кўплаб паслар амалга оширган ҳолда ўйинни давом эттиришмоқда. Позицион ҳужум.
46'
Иккинчи бўлим бошланди!
45'
Футболчилар майдонга қайтишмоқда. Биз ҳам қайтамиз.
45+2'
Биринчи бўлим якунланди!
45+1'
Лерой Сане сариқ карточка билан огоҳлантирилди.
45+'
Биринчи бўлимга 1 дақиқа вақт қўшиб берилди.
44'
Роберт Левандовски ўйиндан ташқари ҳолатда қолиб кетди.
42'
Дарвозага йўлланган аниқ зарбалар статистикаси: 8-0!
39'
Шупо-Мотинг зарба позициясига чиқиб борди ва зарба берди! Тўп дарвозадан анча юқорилаб кетди!
37'
Тўп назорати: 57-43!
35'
Дуда ва Деннис бир-бирига тики-така услубида тўпни ошириб бермоқда, бу "Барселона"ни эслатиб юборди.
32'
ГОООООООООООООООООООООЛЛЛ!!! Левандовски! Горецканинг узатмасини Роберт боши билан дарвозага жойлаб қўйди. 2-0!
31'
Лерой Сане бурчакдан тўпни ўйинга киритиб беради.
29'
Эммануель Деннис офсайдда қолиб кетди.
26'
Левандовскига бирозгина омад етишмади! Унинг бош билан берган зарбаси устуннинг ёнгинасидан ўтиб кетди!
23'
"Кёльн" бурчак тўпидан хавфли вазият юзага келтира олмаяпти.
22'
Алаба сариқ карточка билан огоҳлантирилди.
19'
"Бавария" голдан сўнг ҳам ҳужумларни тиндирмаяпти. Позицион ҳужум авжида.
17'
ГОООООООООООООООООЛЛЛ!!! Қанотдан узатилган тўпни Шупо-Мотинг боши билан дарвозага жойлаб қўйди ва ҳисобни очди! 1-0!
15'
Зюленинг ажойиб зарбасини рақиб дарвозабони қийинчилик билан қайтарди!
13'
"Кёльн" бурчакдан тўпни ўйинга киритиб беради.
11'
Меҳмонлар таъзоси Салих Ўзжан офсайдда қолиб кетди.
10'
Лерой Сане жарима майдони ташқарисидан туриб дарвозага кучли зарба йўллади, бироқ тўп устуннинг ёнгинасидан ўтиб кетди.
6'
"Кёльн" бурчакдан тўпни қисқа пас билан амалга оширди, бироқ хавфли ҳужум юзага келмади.
4'
Альфонсо Дэвис жарима майдончаси ичига ёриб кирди, бироқ у тўпни шеригига етказиб бера олмади. Ҳимоячи бутун вужуд билан уни тўсди.
3'
"Кёльн" томонидан уюштирилган ҳужум зарба билан якунланмай қолди, Нойер тўпга биринчи чиқди.
2'
Илк дақиқалардан "Бавария" ҳужумда устунликни қўлга киритмоқда.
1'
Учрашув бошланди!
0'
Футболчилар майдонга чиқиб келмоқда. Ўйин бошланиш арафасида.
0'
Ассалому алайкум, қадрли футбол ихлосмандлари! "Бавария" - "Кёльн" учрашуви бошланиш арафасида. Матнли трансляцияни Абдулла Маннонов олиб бормоқда.