"Бавария" ўзига 2 та гол урган футболчини сотиб олмоқчи

"Хоффенхайм" форварди Андрей Крамарич фаолиятини "Бавария"да давом эттириши мумкин. Бу ҳақда Bild нашри хабар тарқатмоқда.

Юқоридаги манбага кўра, 29 ёшли хорватиялик футболчига шахсан мюнхенликлар спорт директори Хасан Салихамижич жиддий қизиқиб қолган. Айтиш керакки, Крамарич жорий мавсум Бундеслиганинг 2-турида “Бавария” дарвозасини икки бор ишғол этган эди.

“Хоффенхайм” айни дамда Бундеслига мусобақа жадвалида 6 очко билан 1-ўринда бормоқда. “Бавария” эса 6-ўринни эгаллаб турибди.