"Бавария" Перишични ўз сафига қўшиб олмоқчи

Миланнинг "Интер" клуби ярим ҳимоячиси Иван Перишич "Бавария"нинг қизиқишлар доирасига кириб қолди.

GianlucaDiMarzio.com сайти тарқатган хабарга кўра мюнхенликлар 30 ёшли хорватиялик футболчини ижарага олишмоқчи ва айни дамда клублар ўзаро фаол музокаралар ўтказишмоқда.

Маълумот учун, Перишич ўтган мавсум “Интер” сафида 45та ўйинда майдонга тушди ва ўз ҳисобига 9та гол ҳамда 9та голли узатма ёздириб қўйишга эришди. Унинг “нерадзуррилар” билан амалдаги шартномаси 2022 йилга қадар имзоланган. Трансфер нархи эса 30 млн еврога баҳоланмоқда.