"Реал" ярим ҳимоячиси Лукас Васкес жамоадан кетишга яқин турибди.

AS нашри тарқатган хабарга кўра, "қироллик клуби" 29 ёшли испаниялик футболчига янги шартнома таклиф қилган, бироқ ушбу таклиф футболчини қониқтирмаяпти. Бош мураббий Зинедин Зидан Васкесни таркибда сақлаб қолишни жуда ҳам хоҳлаяпти, аммо клуб ўз таклифини ўзгартирмоқчи эмас.

Ушбу вазиятдан эса "Бавария" унумли фойдаланиб қолмоқчи. Ҳозирда мюнхенликлар Васкеснинг вакиллари билан музокараларни бошлаб юборган.

 Лукас Васкеснинг "Реал" билан амалдаги шартномаси жорий мавсум охирида ўз ниҳоясига етади. У жорий мавсум 31 та ўйинда иштирок этди ва ўз ҳисобига 2 та гол ҳамда 6 та голли узатма ёздириб қўйишга эришди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар