"Бавария" уни қўйиб юбормайди

“Бавария” раҳбарияти жамоа ярим ҳимоячиси Леон Горецкани ҳеч қаерга қўйиб юбормоқчи эмас.

Журналист Фабрицио Романонинг маълум қилишича, Горецка тез орада мюнхенликлар билан амалдаги шартномасини узайтиради. Унга Англия премьер-лигасининг бир қатор клубларидан жиддий қизиқишлар бўлмоқда, аммо унинг ўзи “Бавария”дан кетишни хоҳламаяпти. Германия чемпиони ҳам бу вазиятда вақтни бой бермасдан, қишда янги шартнома бўйича музокараларни бошламоқчи.

25 ёшли Горецка “Бавария” сафида 2018 йилнинг ёзидан буён тўп суриб келмоқда. Унинг клуб билан амалдаги шартномаси эса 2022 йилга қадар имзоланган.