"Bavariya" ustozi "issig‘idan edi"

"Bavariya" bosh murabbiyi Yulian Nagelsmann Bundesligada Menxengladbaxning "Borussiya"siga (2:3) qarshi mag‘lub bo‘lganidan so‘ng hakamlar haqida nomaqbul va haqoratomuz tarzda gapirdi.

Nagelsmann kechirim so‘radi, ammo bu uni jazodan qutqara olmadi. "German Sky" nashri xabariga ko‘ra, "qizil mashina" ustozi 50 000 evro jarimaga tortilgan.

Ayni damda germaniyalik mutaxassis "Bavariya"ni Germaniya chempionati doirasidagi "Union" Berlinga qarshi uy uchrashuviga tayyorlamoqda. Jamoalar kelasi yakshanba, 26 fevral kuni maydonga tushadi.