"Бавария" ва Левандовскининг узлуксиз рекордлари давом этмоқда

"Бавария" ғалабаси билан якунланган Бундеслиганинг 30-тури тарихий аҳамият касб этганди. Ўшанда "Байер"ни 2:4 ҳисобида мағлуб этган мюнхенликлар қатор рекордларни қайд этганди. 

Энг қизиғи, Германия кубогининг финал учрашувида яна "Бавария" футболчилари "Байер"га тўқнаш келди. Бу сафар учрашув худди ўшандай - 4:2 ҳисобида "Бавария" фойдасига ҳал бўлди ва қатор рекордлар янгиланди. 

Демак, такрорланмас фактларга эътибор қаратамиз.

• “Бавария” Германия чемпионатида 34 та учрашувда 100 гол урди. 

• “Бавария” кетма-кет 8 марта Бундеслига чемпиони бўлди. 
• "Бавария" 20-маротаба мамлакат кубоги соҳибига айланди. 
• "Бавария" 13 марта олтин дебль қайд этиб, рекорд ўрнатди.
• “Бавария”нинг барча турнирлардаги мағлубиятсиз серияси 26 та учрашувга етказди.
• "Бавария" кетма-кет 17 та ўйинда зафар қучди.
• Роберт Левандовски Германия кубоги финалида иккита тўп киритди ва жами 6 та гол билан турнир тўпурари бўлди.
• Левандовски жорий мавсумда барча турнирларда 43 та учрашувда 51 та гол уриб, ўзининг тўрт йил олдинги шахсий рекордини янгиланди. У 2016-2017 йилги мавсумда 47 та учрашувда 43 та тўп киритганди.
• 2015 йилда “Вольфсбург” билан ўйинда заҳирадан майдонга тушиб, 9 дақиқа ичида бешта гол урган Роберт Левандовски энг тезкор хет-трик, покер ва пента-трик муаллифи ва заҳирадан майдонга тушиб бир ўйинда бешта гол урган ягона футболчи сифатида Гиннеснинг рекордлар китобига киритилган эди. Польшалик ҳужумчи ҳамон тўпурарлик бўйича рекордларни янгилаб келмоқда.

• Левандовски фаолияти давомида учинчи маротаба бир мавсумда Бундеслиги ўйинларида 30 та гол урди. Бунгача польшалик форвард 2015-2016 ва 2016-2017 йилги мавсумлардан рақиблар дарвозасини 30 мартадан аниқ нишонга олганди.
• Левандовски Бундеслигада 31 та учрашувда 34 та гол киритиб, Европа чемпионатлари тўпурарлари баҳсида пешқадамлик қилмоқда. 

• “Бавария” ҳужумчиси Томас Мюллер жорий мавсумда ассистлари сонини 21 етказди.