"Бавария" Холандни сотиб оладими?

"Бавария" клуби директорлар кенгаши раиси Оливер Кан "Боруссия" Дортмунд ҳужумчиси Эрлинг Холанднинг эҳтимолий трансфери ҳақида гапирди.

“Холанднинг трансфери 100 миллион евродан ҳам қимматлигини тушунамиз. Бу клубимиз учун ақлга сиғмайдиган нарса. Бизда Левандовски бор, у ниҳоятда самарали. Роберт 39 та гол урди ва у яна бир неча йил юқори савияда ўйнай олади. Шунинг учун Холанднинг трансфери ҳақида ўйламаймиз”, - деди Кан.

20 ёшли норвегиялик футболчи жорий мавсум “Боруссия” сафида 38 та ўйинда майдонга тушди. У ушбу учрашувларда ўз ҳисобига 37 та гол ҳамда 11 та голли узатма ёздириб қўйди.

Холанднинг Дортмунд клуби билан амалдаги шартномаси 2024 йилга қадар имзоланган.