"Бавария" ярим ҳимоячиси "Барса"га ўтмоқчи

"Бавария" ярим ҳимоячиси Жошуа Киммих клуби рўйхатини ўзгартирмоқчи. Германиялик хавбекда фаолиятини давом эттириш учун устувор вариант бу "Барселона".

"Sport.es" нашри хабарига кўра, 28 ёшли ярим ҳимоячи жорий мавсум якунида испан грандига ўтмоқчи. Унинг трансфер қиймати 75 миллион еврога баҳоланмоқда. Унинг "Бавария"билан шартномаси 2025 йилнинг ўрталарига қадар амал қилади.

Германия чемпионатининг жорий мавсумида Киммих 11 та ўйин ўтказиб, битта гол ва 3 та голли узатмани амалга оширди. Киммих 2015 йилдан бери мюнхенликлар сафини ҳимоя қилиб келмоқда.