"Бавария"да 55 йилдан буён бу ишни ҳеч ким уддалай олмай келаётганди

"Бавария" кеча Бундеслиганинг 29-турида "Фортуна"ни 5:0 ҳисобида мағлуб этганидан хабарингиз бор.

Opta Sports тарқатган хабарга қараганда, Ханс-Дитер Флик бошқарувидаги мюнхенликлар 25 та ўйиндан 22 тасида ғалаба қозонишди. Эътиборлиси, бу 1965 йилдан буён “Бавария”да ишлаган мураббийлар орасидаги энг яхши кўрсатгич ҳисобланади.

Бунгача эса энг яхши натижа Хосеп Гвардиолага тегишли эди. Испаниялик мутахассис “Бавария”да ўтказган дастлабки 25 та ўйиндан 21 тасида ғалаба қозонган.

Флик “Бавария”ни 2019 йилнинг ноябридан буён бошқариб келмоқда.