"Бавария"нинг асосий ҳимоячиси сафга қайтди

"Бавария" ҳимоячиси Бенжамен Павар коронавирусдан соғайди ва бугун умумий гуруҳ машғулотларига қўшилди. Бу ҳақда клуб расмий сайти хабар бермоқда.

Айтиш керакки, бундан 3 ҳафта муқаддам франциялик футболчида COVID-19 аниқланган ва Бундеслига тиббий протоколига кўра карантинга олинган эди. Унинг сўнгги топширган тест натижалари манфий чиққачгина унга жамоа билан бирга шуғулланишга рухсат берилган.

Павар 13 март куни Бундеслиганинг 25-туридан ўрин олган “Вердер”га қарши ўйинда “Бавария”га ёрдам бериши мумкин. У жорий мавсум Германия чемпионатида жами 15 та ўйинда иштирок этди.