BBC экспертлари қайси жамоа ЕЧЛни ютишини айтди

Бу ҳафтадан барчамиз кутаётган турнир Европа чемпионлар лигаси бошланади. Мазкур чемпионатда 36 та жамоа қатнашмоқда. Булар орасида 6 та Англия клублари ҳам мавжуд. Таъкидлаш лозимки, тарихда ҳеч бир мамлакатнинг 6та клуби бир вақтнинг ўзида Чемпионлар лигасида ҳаракат қилмаган. 

16 сентябрь, сешанба оқшомида бошланадиган турнирда жами 189 та ўйин ўтказилади. Финал босқичи келаси йилнинг  май ойида Будапештнинг "Пушкаш Арена" стадионида бўлиб ўтади. 

BBC футбол экспертлари мазкур чемпионатда жамоаларнинг имкониятларига баҳо беришди:

Деярли барча экспертлар "Ливерпуль" жамоасининг чемпион бўлиш эҳтимолини юқори баҳолашмоқда. Уларнинг фикрича, жамоанинг амалга оширган янги трансферлари Флориан Вирц, Александер Исак ва бошқалар жуда юқори классли футболчилар ва жамоа жемпионликни қўлга киритиш учун тайёр. 

Аслини олганда, ўтган йили ҳам гуруҳ босқичидан сўнг кўплаб футбол журналистлари ва аналитиклари "қизиллар" жамоасига жуда юқори баҳо беришганди, аммо "Энфильд"да бўлиб ўтган парижликларга қарши баҳсдаги мағлубият кутилмаларни йўққа чиқарганди.