Бектемир Мелиқўзиев чемпионлик камари учун кимга қарши жанг қилади?
 
Профессионал бокснинг супер ўрта (-76,2 кг) вазн тоифаси вакили Бектемир Мелиқўзиев (3-0, 3 КО) декабр ойида бўлиб ўтадиган жангидаги рақиби маълум бўлди. Бу ҳақда GoSport.uz интернет-нашри манбалари хабар бермоқда.

Олдинроқ, Мелиқўзиев тўртинчи жангини 13 декабр куни ўтказиши ҳақида хабар бергандик. Маълум бўлишича, шу куни Мелиқўзиевга америкалик Вон Александер (15-3, 9 КО) рақиблик қилади. Жанг WBA минтақавий чемпионлик камари учун кечади ва 10 раунддан иборат бўлади. Тўқнашув Калифорнияда, Индио шаҳрида бўлиб ўтиши режалаштирилган.

Олдинроқ, унга франциялик собиқ жаҳон чемпиони рақиблик қилиши борасида хабарлар тарқалганди. Аммо бу жанг ўтказилмайдиган бўлганди.

Эслатиб ўтамиз, сўнгги марта Мелиқўзиев 2 ноябрь куни рингга чиқиб, америкалик Клей Коллардни (4-2-3, 1 КО) тўртинчи раундда техник нокаут эвазига мағлубиятга учратганди.