Беларусь чемпионати тўхтатилди

Беларусь футбол федерацияси клубларга ўсмирлар ва ёшлар ўртасидаги мамлакат чемпионатининг тўхтатилгани ҳақида маълум қилди.

Ташкилот расмий сайтининг хабар беришича, бу Беларусь Республикаси спорт ва туризм вазирлигининг тавсиясига кўра амалга оширилган.

Беларусь чемпионати айни дамда Европада давом этаётган ягона профессионал лига ҳисобланади. Ҳозирча раҳбарият асосий чемпионатни тўхтатиш ҳақида маълум қилмаяпти.

Шу кунгача Беларусь Республикасида коронавирус билан боғлиқ 304 та ҳолат қайд этилган. Вирусга чалинганларнинг 4 нафари вафот этган.