Belarusdan gapiramiz! Bugun hamyurtlarimizni muhim o‘yinlar kutib turibdi

Jasur Yaxshiboev, Shahboz Umarov hamda Humoyunmirzo Iminov harakat qilayotgan jamoalar uchun chempionat o‘yinlari o‘zining eng qizg‘in pallasiga kirib bormoqda. Bugun ular Belarus Oliy ligasi 29-turidan o‘rin olgan uchrashuvlarda ishtirok etadi.

"Shaxtyor" turnir jadvalining 8-pog‘onasini band etgan "Rux" Brest klubi maydoniga safar qiladi. Ular oldida faqatgina 2 o‘yin qolgan va shu uchrashuvlarning barchasida g‘alaba qozonish evaziga "konchilar" peshqadamga aylanib olishi mumkin. Yaxshiboev jamoasi 1-o‘rindagi BATEning ochko yo‘qotishini ham kutishga majbur.

Shuningdek, Shahboz Umarov va Humoyunmirzo Iminov sharafini himoya qilayotgan "Energetik - BGU" klubi Minskdan tashrif buyuradigan "Dinamo"ni mehmon qiladi. O‘yin oldidan maydon egalari 38 ochko to‘plagan holda, turnir jadvalining 9-pog‘onasini band qilib turibdi.

Barcha uchrashuvlar Toshkent vaqti bilan 16:00 da start oladi.