Бентанкурга Англиянинг икки клуби қизиқмоқда

“Тоттенхэм” футболчиси Родриго Бентанкурни “Ливерпуль” ва “Манчестер Юнайтед” клублари кузатиб бормоқда, дея хабар бермоқда “Fichajes” нашри.

Уругвайлик ярим ҳимоячи Лондон клуби билан амалдаги шартномаси 2027 йилгача амал қилади. У ушбу мавсум барча чемпионатларда 21 та ўйинда майдонга тушиб, 5 гол ва 2 та ассист амалга оширди.

Манбанинг таъкидлашича, ушбу трансфер тахминан 40 миллион еврога тушади. 2021 йилда футболчи учун “Тоттенхэм” 19 миллион евро сарфлаган.