Бензема, Мбаппе, Гризманн ва бошқалар ёхуд мундиал олдидан асосий фаворитлардан бири Франция билан танишамиз

"ЖЧ-2022" стартига тобора оз вақт қолмоқда. Мухлис ва мутахассисларни интизорлик билан куттираётган турнир тез орада бошланади.

Қайси терма жамоалар "ЖЧ-2022"да иштирок этишини яхши биласиз. Агар ҳамон бундан хабардор бўлмасангиз, яна бир  бор эслатиб ўтиб кетамиз.

Мундиал стартига 21 кун қолган ва биз кетма-кетликда термалар билан сизни таништириб ўтамиз. Демак, "D" гуруҳи вакили Франция орқали ўзига хос "челленж"имизни давом эттирамиз.

Франция терма жамоаси, Франция футбол федерацияси (Fédération Française de Football, FFF).

Ташкил топган: 1906 йил (ФИФА'га 1907 йил аъзо бўлган).
Бош мураббий: Дидье Дешам.
Жамоа сардори: Уго Льорис.

Илк расмий баҳси: Бельгия - Франция 3:3 (1904 йил).
Энг йирик ғалаба: Франция - Греция 11:0 (1919 йил).
Энг йирик мағлубият: Дания - Франция 6:1 (1908 йил).

Айни дам мазкур терма жамоа FIFA рейтингида 4-ўринни банд этиб турибди. Уларнинг рейтингда энг юқори кўрсаткичи 1, энг пасти эса 26-ўрин бўлган.

Ушбу юрт термаси бунга қадар ўтказилган жаҳон чемпионатларида 16 бора иштирок этган. Илк бор "уч ранглилар" 1930 йилги Уругвай яшил майдонларида ўтган мундиалда қатнашишга муваффақ бўлган. Энг яхши натижаси 1998 ва 2018 йилларда қайд этилган. Ўшанда жамоа жаҳон чемпионлигини қўлга киритишга сазовор бўлган.

Турниргача босиб ўтилган йўл

Франция терма жамоаси мундиал йўлланмаси учун кечган саралаш баҳсларида муносиб иштирок этди. 5 жамоа ичида терма 1-ўринни қўлга киритди.

Саралаш турнирида "хўрозлар" 18 очко билан 1-ўринни банд этди. 5 ғалаба ва 3 дуранг қайд этган терма вакиллари 18 гол уриб, ўз дарвозасидан 3 тўп олиб чиқди. 

Бундан ташқари, жамоа "ЖЧ-2022" олдидан бир қанча учрашувлар ўтказди:

Таркибдаги футболчиларнинг трансфер нархи таниқли "Transfemarkt" талқинига кўра, 886 миллион еврони ташкил этади.

Эслатма: Ушбу миқдор сўнгги йиғинга чақирилган футболчиларнинг трансфер нархига кўра ҳисобланган. Мундиалга чақирилган ўйинчилар номи ҳали маълум эмас.

"ЖЧ-2022"даги тақвими

Аввал айтганимиздек, Франция футбол бўйича энг нуфузли турнирнинг "D" гуруҳида Австралия, Дания ҳамда Тунис каби термалар билан бир гуруҳдан жой олган. Уларнинг тақвими қуйидагича:

22 дан 23 ноябрга ўтар кечаси

00:00 Франция - Австралия.

26 ноябрь 

21:00 Франция - Дания.

30 ноябрь

20:00 Тунис - Франция.

Шоҳрух Зоиров тайёрлади.