Бензема: Баъзан қийин даврларни бошдан ўтказдим...

Карим Бензема "Олтин тўп" ҳақида фикр билдирди. Бироз аввал "Реал" ҳужумчиси карьерасида илк бор ушбу совринни қўлга киритди. 

"Ёшлигимни яхши эслайман. Ҳаётимда иккита намуна бўлар эди: Зидан ҳамда Роналду. Бу қийин иш. Қайта-қайта машқ қилиш лозим. Баъзан қийин даврларни бошдан ўтказдим. Терма жамоага чақирилмаган пайтларим кўп инсонлар билан мулоқотда бўлиш қийин бўлди. Бу ҳолат мени руҳий томондан яна ҳам чиниқтирди. 

Худди шу темпда давом этаман ҳамда буюк президент Флорентино Пересга раҳмат айтаман. 

Менимча ёшнинг аҳамияти йўқ. Кўпчилик 30 ёшдан сўнг ўз даражасини яна ҳам оширади. Бу мақсадли меҳнат демакдир. Одатда, мен яна ҳам кўпроқ машқ қиламан ва ўзимга таслим бўлмаслик кераклигини айтаман", - деди Карим.