"Бензема бундай даражага чиқишини кутмагандим!"

"Реал" собиқ ярим ҳимоячиси Гути Карим Бенземанинг "Олтин тўп"ни ютиш имкониятлари ҳақида фикр билдирди.

"Анчелотти жамоага керакли хотиржамликни бера олди. Масалан, Куртуа мадридликларни бир неча маротаба қийин вазиятлардан олиб чиқди. Бензема дунёнинг энг яхши ҳужумчисига айланди. Чемпионликни қўлга киритиш учун бутун жамоанинг меҳнати зарур.

Карим бундай даражага чиқишини кутмагандим. У ўртача даражада эди, аммо ҳозир ундай эмас. Бу ҳолат "Реал" Мадрид учун фойдали бўлди. Роналду кетгач, жамоага голлар керак эди ва ўша пайтда Бензема етакчиликни қўлга олди",-дейди испаниялик ҳавбек. 

34 ёшли ҳужумчи жорий мавсум "қаймоқранглилар" либосида 42 та ўйин ўтказиб, шунча марта рақиблари дарвозасини ишғол этган. Шунингдек, 13 бор шериклари голига ҳаммуаллифлик қилди.