Бензема илгари кузатилмаган рекорд ўрнатди

“Реал” ҳужумчиси Карим Бензема Чемпионлар лигаси ярим финал дастлабки учрашувида “Манчестер Сити” дарвозасини икки маротаба ишғол қилиб, тарихий натижа қайд этди.

OptaJoe портали маълум қилишича, 34 ёшли франциялик ҳужумчи Чемпионлар лигаси тарихида бир мамлакат жамоаларига плей-офф босқичида бешта гол урган ягона футболчига айланди.

Карим “шаҳарликлар”дан ташқари плей-оффнинг олдинги босқичида “Челси” дарвозасига учта тўп киритиб, хет-трик қайд этган эди.

Бу мавсум Карим учун жуда сермаҳсул ўтмоқда. У барча турнирларда 41 маротаба майдонга тушиб, ўз ҳисобига 41 та гол ва 13 та голли пас ёздириб қўйди. Бензема бу галги “Олтин тўп”га асосий даъвогар сифатида эътироф этилмоқда.