Бензема: Мен учун Зидан худди акамдек

"Реал" Мадрид клуби форварди Карим Бензема жамоа устози Зинедин Зидан билан ўзаро муносабатлари қандай эканлиги ҳақида гапирди.

“Биз ўзаро жудаям яхши муносабатдамиз. Мен учун Зидан худди акамдек. Биз у билан футбол ва ундан ташқаридаги масалалар бўйича ҳам кўп гаплашамиз. У менга кўп ёрдам беради. Мен уни қаттиқ ҳурмат қиламан. Тўғри, тушунмовчиликлар ҳам бўлади, қачонки мен майдонда унинг айтганларини қилмасам”, - дейди франциялик футболчи.

Маълумот учун, Бензема жорий мавсум “Реал” сафида жами 52та ўйинда майдонга тушди ва ўз ҳисобига 30та гол ҳамда 11та голли узатма ёздириб қўйишга эришди.