Benzema: "Messi, Mbappe va Neymarga qarshi o‘ynash qiziqarli"

"Real" futbolchisi Karim Benzema bugungi bahs oldidan o‘z fikrlari bilan o‘rtoqlashdi. Aytishicha, u PSJ bilan o‘yinni intiqlik bilan kutmoqda.

"Bu uchrashuvni ancha kutdim. Eski tanishlar bilan yana to‘qnash kelyapmiz. 

Mbappega qarshi o‘ynash - ajoyib. Messi? U g‘ayrioddiy futbolchi. Futbol va uning ismi yonma-yon kelishi kerak.

Neymar - top darajadagi o‘yinchi. U bugun maydonga tushadimi-yo‘qmi, bilmayman. Biroq uning qaytishi parijliklar uchun faqat foyda bo‘ladi", - dedi frantsiyalik hujumchi.