Бензема Мессининг гапларига “ответ” қайтарди

"Реал" ҳужумчиси Карим Бензема Лионель Мессининг бу йил "Олтин тўп"га франциялик футболчи лойиқ эканлиги ҳақида айтган гапларига муносабат билдирди.

“Мен Леодан бундай сўзлар эшитганимдан жуда ҳам хурсандман. У дунёдаги энг зўр футболчиларидан бири ҳисобланади. Шунинг учун, Мессининг гаплари ўзгача куч ва мотивация беради. Бу каби эътирофлардан кейин ҳам юқори савияда ўйин кўрсатишга ҳаракат қиламан”, — дейди Бензема Tyc Sports нашрига берган интервьюсида.

Эслатиб ўтамиз, жорий мавсумда Карим Бензема мадридликлар билан биргаликда Испания чемпионлиги ва Чемпионлар лигасида ғолиб чиқди.

Шунингдек, франциялик Чемпионлар лигасининг “энг яхши футболчиси” деб топилди. Мутахассислар Бенземани бу йил “Олтин тўп”га асосий даъвогар сифатида кўрмоқда.