Бензема ўрнини суперталант эгаллайди

Испаниянинг  AS нашри “Реал” раҳбарияти яқин келажакда асосий тўпурар Карим Бенземанинг ўрнини эгаллашга қодир ҳужумчи қидираётгани ва ўзи истаган ўйинчини олис Бразилиядан топгани ҳақида хабар берди.

Манбанинг таъкидлашича, мадридликлар “Ботафого”да тўп тепаётган 18 ёшли Матеус Насиментони Европага кўчириб келишга қарор қилган.

Улар бу трансферни уддалай олса, ёш футболчи “Реал” ўйин услубини ўзлаштириб олиши учун иккинчи жамоада ўйнаб туриши борасида бир қарорга келган.

Жорий мавсумда Насименто барча турнирларда 18 маротаба майдонга тушиб, рақиблар дарвозасини етти маротаба ишғол қилди.

Мутахассислар бу вундеркинд яқин келажакда жуда кучли ҳужумчига айланиши мумкинлигини таъкидламоқда.