Бензема қийин ишни уддаламоқчи

Карим Бензема келажакдаги мақсадлари ҳақида фикр билдирди. 

"Ҳали кўп режаларим бор. Мен совринлар қўлга киритишни, Чемпионлар лигасини бир ёки бир неча марта ютишни хоҳлайман. Терма жамоа билан эса, албатта, Жаҳон чемпионатида ғалаба қозонишни истайман.

Жаҳон чемпионатида терма жамоа билан соврин қўлга киритиш футболчига ақл бовар қилмайдиган туйғуларни тақдим этади. Шу сабабли, мен бу турнирда зафар қучишни мақсад қилганман", - деди франциялик голеадор. 

Эслатиб ўтамиз, 2018 йилда Франция Жаҳон чемпиони бўлганда Карим терма жамоа сафида эмасди.