Бензема "Реал"даги 14 йиллик фаолияти давомида 25 та соврин ютди (умумий статистика)

Мадриднинг “Реал” клуби раҳбарияти Карим Бензема шу ёзда жамоани тарк этиш қарорини эълон қилди.

Аввалроқ, 35 ёшли ҳужумчи Саудия Арабистонининг "Ал-Иттиҳод" клубидан таклиф олгани малум бўлганди.

Карим “Лион” клуби битирувчиси ҳисобланади. У 2009 йилда "Реал" Мадридга кўчиб ўтди ва 14 йил давомида клубда 25 та соврин (Марсело билан биргаликда), шу жумладан 5 та Чемпионлар Лигаси ва 4 та Ла Лига чемпионлигини қўлга киритди. 2022 йилда Бензема "Олтин тўп"ни олди.

Бензема "Реал Мадрид" сафида 647 та (47226 дақиқа) ўйин ўтказиб, 353 та гол урди ҳамда 165та самарали узатма амалга оширди ва клуб тарихидаги иккинчи энг яхши тўпурар ҳисобланади. Фақат Криштиану Роналдуда кўпроқ (450) бор.

Жорий мавсумда Карим барча мусобақаларда 42 та ўйинда майдонга тушиб, 30 та гол уришга муваффақ бўлди.