Бензема "Реал"дан кетади. Борар манзили маълум

Жорий мавсум якунланганидан кейин “Реал”нинг асосий тўпурари Карим Бензема юртига қайтиб кетиши кутилмоқда.

Маълумотларга қараганда, 33 ёшли франциялик ҳужумчи Францияга қайтиб, профессионал фаолиятини қадрдон жамоаси “Лион”да якунлашга қарор қилган.

Карим катта футболга айнан “Лион”да қадам қўйган. 2009 йилда моҳир тўпурар “Реал”га кўчиб ўтди. Бензема жорий мавсумда ҳам ишончли ўйин намойиш қилмоқда. У Испания чемпионатида 18 та учрашувда 10 та гол уриб, бешта голли пас узатди.