Бенземанинг бу рекорди олдида Роналду ҳам, Месси ҳам "дамини олади"

Мадриднинг “Реал” клуби ҳужумчиси Карим Бензема Чемпионлар лигасида ўзига хос натижага эришди, деб хабар бермоқда УЕФА расмий сайти.

Гап шундаки, франциялик футболчи Чемпионлар лигаси тарихида 18 календар йилида гол урган биринчи футболчи бўлди.

34 ёшли форвард илк бор 2005 йилда "Лион" таркибида асосий еврокубокда гол урган эди. У кеча ПСЖга (3:1) қарши ўйинда хет-трик қайд этди.

Эслатиб ўтамиз, Бензема Чемпионлар лигаси тарихидаги хет-трик қайд этган энг ёши катта футболчига ҳам айланди.