Бердиев тез орада "Динамо" клуби бош мураббийига айланади

Туркманистонлик мураббий Қурбон Бердиев Москванинг "Динамо" клубига мураббий этиб тайинланиши кутилмоқда.

Айни пайтда томонлар музокара ўтказмоқда ва у ҳал қилувчи паллага кирган. Бердиев 5 октябрь куни "Динамо" устозига айлангани эълон қилиниши мумкин.

Бир неча кун олдин, жамоани бошқарган Кирилл Новиков ўз лавозимини тарк этди. "Динамо" 9-турдан сўнг 9-ўринда бораётганди.

Бердиев Россияда 2000 йилдан бери ишлаб келмоқда. Бу вақт мобайнида «Рубин» ва «Ростов»ни бошқарган. Қозон клуби билан у 2 бор мамлакат чемпионлигини қўлга киритган. "Ростов"да эса, 2015/16 йилги мавсум кумуш медалларга эга чиққан. Туркманистонлик мураббий ўтган йилнинг июнь ойидан бери ишсиз.