Бернард Хопкинс Фьюри - Нганну жанги қандай якунланишини айтди

Икки вазн тоифасида собиқ жаҳон чемпиони, ҳозирда шон-шараф зали аъзоси, афсонавий америкалик Бернард Хопкинс (55-8-2,32КО) оғир вазн тоифаси чемпиони британиялик Тайсон Фьюри(33-0-1,24КО) ва камерунлик ММА жангчиси Фрэнсис Нганну (17-3) ўртасидаги 28-октябр куни Ар-Риёдда бўлиб ўтадиган жанг ҳақида гапирди.

“Бу Тайсон Фьюри учун гонорардан бошқа нарса эмас. Бу юқори даражадаги ўйин-кулги ва барчаси Тайсон Фьюри учун. Фьюри беш раунд ичида нокаут билан ғалаба қозонади", деди Хопкинс Жо Роган подкастида.

Эслатиб ўтамиз, Фьюри декабрь ойида WBC чемпионлигини ҳимоя қилишда ҳамюрти Дерек Чисорани ўнинчи раундда техник нокаут билан мағлуб этганди.