"Бешиктош" "Ливерпуль" ҳужумчисига қизиқмоқда

Инсайдер Фабрицио Романо тарқатган маълумотларга кўра, Туркиянинг "Бешиктош" клуби ҳозирда "Ливерпуль" ҳужумчиси Федерико Кьезанинг ҳолатини ўрганиб чиқди. Бироқ, айни пайтгача музокараларда сезиларли илгарилаш кузатилмади.

Маълум қилинишича, "Ливерпуль" Кьезани ижарага қўйиш ниятида эмас. Шу билан бирга, "Бешиктош" футболчининг ўрнини босиши мумкин бўлган ўйинчи учун маблағ сарфлашга тайёр.

Эслатиб ўтамиз, Туркияда трансфер ойнаси 11 сентябр куни ёпилади.

Федерико Кьеза 2024 йил август ойида "Ювентус"дан "Ливерпуль"га ўтган эди.