Бэйлнинг дебютида "Тоттенхэм" йирик ҳисобдаги ғалабани қўлдан чиқарди

Англия Премьер-лигаси 5-туридан ўрин олган "Тоттенхэм"- "Вест Хэм" учрашуви ниҳоясига етди. Лондон дербиси мақомида ўтказилган беллашувда томонлар жанговар дуранг қайд этишди.

Биринчи таймнинг ўзидаёқ, Моуриньо шогирдлари 3:0 ҳисобида олдинга чиқиб олганди. Кейинчалик, "болғачилар" ҳам 3 та гол урган ҳолда, мағлубиятдан қутилиб қолди.

Қизиғи, "Вест Хэм"нинг учала голи ҳам Бэйл майдонга тушгач киритилди. 

• 90+'
  

  ГОООООООООООООЛЛЛЛЛЛЛЛЛЛЛЛЛЛ!!! "Вест Хэм" Лансинининг голи орқали ҳисобни тенглаштирди. "Тоттенхэм" ҳақли тарзда жазоланди. 

• 90+'

  Бэйл жарима майдонига ажойиб тарзда кириб бориб, ноаниқ зарба йўллади. 

• 90+'
  

  Ўйин асосий вақтига 4 дақиқа қўшиб берилди.

• 88'

  "Тоттенхэм" бироз хушёр тортиб қолди.

• 85'
  

  ГООООООООООООЛЛЛЛЛЛЛЛЛЛЛЛЛЛЛЛ!!! Давинсон Санчес ўз дарвозасига гол уриб қўйди. 

• 82'
  

  ГООООООООООООЛЛЛЛЛЛЛЛЛЛЛЛ!!! Бальбуэна ҳисобни қисқартирмоқда. Сиссоко унинг зарба йўллашига имкон бериб қўйди. 

• 79'

  Кейннинг зарбаси дарвоза устунига тегди. Ажойиб зарба!

• 77'

  Темп бироз тушди. "Тоттенхэм"ни олдинда Европа Лигаси ҳафтаси кутиб турибди. Кучни тежашни маъқул кўраётганга ўхшайди.

• 73'

  Бэйлнинг жаримадан йўллаган зарбаси кучсиз чиқди. 

• 72'
  

  Бергвейн ўз ўрнини Бэйлга бўшатиб берди.

• 72'
  

  Огбонна қўпол ўйин учун огоҳлантирилди.

• 68'

  Соннинг узатмасини Фабиански ушлаб олди. 

• 67'

  Кейннинг зарбаси ҳимоячиларга тегиб қайтди.

• 66'

  Льорис "Вест Хэм" футболчилари жарима майдонига узатган яна бир тўпни ушлаб қолди. 

• 65'

  "Тоттенхэм"нинг яна бир ҳужуми тўхтатилди. Кейнни яхши қўриқлашмоқда. 

• 62'

  "Тоттенхэм" футболчисининг жарима майдони ташқарисидан узатган тўпини Бальбуэна майдон ташқарисига чиқариб юборди.

• 60'

  Жарима майдонига "болғачилар" томонидан узатилган навбатдаги тўп Льорис томонидан ушлаб олинди.

• 55'

  Боуэн бурчак зарбаси амалга оширди. Ҳимоячилар иккинчи қаватда на Антониога ва на бошқаларга имкон бермаяпти. 

• 53'
  

  Кресуэллнинг бурчакдан узатган тўпини ҳимоячилар қайтариб юборди.

• 50'

  Форнальс дарвоза чизиғи устидан гол кирита олмади. Бош билан берилган зарба ноаниқ кетди.

• 48'

  Масуакунинг жарима майдони ичидан берган зарбаси ноаниқ кетди.

• 46'
  

  Иккинчи тайм бошланди.

• 45'
  

  Танаффус.

• 45+'
  

  Биринчи таймга 2 дақиқа қўшиб берилди.

• 43'

  Кейннинг ақлли узатмасига Сон етиб келишга улгурмади.

• 41'

  Бергвейннинг зарбаси ноаниқ кетди.

• 37'

  Антонио яна бир имкониятга эга бўлди. Аммо зарба ноаниқ.

• 34'

  Соннинг яна бир зарбасини Фабиански қайтарди.

• 32'

  Огбонна қўполлик ишлатди.

• 29'

  Орье жарима майдони ичида йиқилди. Аммо ҳакам ҳаммаси жойида, деб ҳисоблади.

• 26'

  Боуэннинг жарима майдонига узатмаси ҳимоячилар томонидан бартараф этилди.

• 24'
  

  Сиссокога тиббий ёрдам кўрсатилди.

• 23'

  Сонга узатилган тўпга ҳимоячилар биринчи бўлиб етиб келишди.

• 20'
  

  Антонио сариқ карточка олди.

• 16'
  

  ГООООООООООООЛЛЛЛЛЛЛЛЛЛЛЛЛ!!! Кейн дубль қайд этмоқда. Регилоннинг узатмасини ҳужумчи боши билан дарвозага жойлади.

• 13'

  Антонионинг зарбаси аниқ чиқишига ҳимоячилар имкон бермади. 

• 10'

  "Вест Хэм" аслида у қадар суст ҳаракат қилмаяпти. Ҳужумлар бор. Аммо якун "Тоттенхэм"да яхшироқ.

• 8'
  

  ГОООООООООООЛЛЛЛЛЛЛЛЛЛЛЛЛ!!! Кейн ҳисобни 2:0 кўринишига олиб келди.

• 7'
  

  Майкл Антонионинг бурчак зарбасидан сўнг йўллаган зарбаси ноаниқ кетди.

• 5'

  Кресуэллнинг жаримадан йўллаган зарбаси дарвоза тўрига ён тарафдан тегди.

• 4'

  Жамоалар қарама-қарши ҳужумлар остида ўйин ўтказишмоқда.

• 1'
  

  ГОООООООООООООЛЛЛЛЛЛЛЛЛЛЛЛ!!! Сон ҳисобни очмоқда. Яна Кейндан пас.

• 1'
  

  Биринчи тайм бошланди.

• 0'

  Жамоалар майдонга тушиб келишмоқда.

• 0'

  Ассалому алайкум, азиз футбол ихлосмандлари. "Тоттенхэм" ва "Вест Хэм" ўйини бошланиш арафасида. Матнли тарзда ушбу беллашувни Абдулвосид Валихонов эътиборингизга ҳавола этади.