Биласизми, 5 та клуб бирорта ҳам легионер футболчи билан шартнома имзоламади

Ортда қолаётган ҳафтада юртимизда янги футбол мавсуми старт олди. Суперлига ва Про-лиганинг аксарият жамоалари мавсумолди йиғинлари давомида ўз таркибларига хорижлик футболчиларни жалб этишди.

Бироқ "Олимпик", "Зомин", "Арал самали", "Шўртан" ва "Янгиер" клублари бирорта ҳам легионер футболчи билан шартнома имзоламади. Ушбу жамоалар эътиборни маҳаллий футболчиларга, айниқса ёш иқтидор эгаларига қаратишгани албатта ижобий ҳолат.

"Суперлига ва Про лигада жами 24 та клуб иштирок этади. Шулардан фақатгина 5 таси легионер футболчилар хизматидан фойдаланмаяпти: Олимпик, Зомин, Арал самали, Шўртан, Янгиер", - деб ёзди Ўзбекистон Профессионал футбол лигаси бош директори вазифасини бажарувчи Диёр Имомхўжаев ўзининг телеграмдаги саҳифасида.