Биласизми? Испания мундиал ғолиблигидан буён бор йўғи 3 та ўйинда ғалаба қозонган холос

Хабарингиз бор, Испания терма жамоаси Қатарда ўтаётган жаҳон чемпионатининг гуруҳ босқич сўнгги турида Японияга қарши майдонга тушди ва кутилмаганда 2:1 ҳисобида имкониятни бой бериб қўйди.

Испанлар 2010 йилги мундиал ғолиблигидан буён ушбу турнирда бор йўғи 3 та баҳсда ғалаба қозонишни уддалашди холос. Улар ЖЧ-2014 да Австралия (3:0), ЖЧ-2018да Эрон (1:0) ва ЖЧ-2022да Коста-Рика (7:0) устидан зафар қучди.

Эслатиб ўтамиз, Луис Энрике жамоаси “E” гуруҳида 4 очко жамғарган ҳолда Япониядан сўнг иккинчи ўрин билан плей-оффга йўл олди.