Биласизми? "Пахтакор"нинг уч футболчиси ўз юртида аср ўйинчиларига айланган

Турли йиллар мобайнида "Пахтакор" сафида тўп тепган уч футболчи ХХ асрда ўз мамлакатларида энг яхши ўйинчилар сифатида эътироф этилган.

Геннадий Красницкий Ўзбекистонда ХХ асрнинг энг яхши футболчиси, деб топилган. Буни аксарият мухлислар яхши билишади. У фаолияти давомида "Пахтакор" учун чемпионатларда 322 ўйинда 142 гол муаллифига айланган.

1972-75 йилларда "шерлар" сафида ўйнаган Василис Хадзипанагис эса 96 беллашувда 22 гол муаллифи бўлган. У Грецияда ХХ асрнинг иккинчи ярмида энг яхши футболчи сифатида тан олинган. Энг яхши унвонига эга чиқиш учун унга Греция чемпионлиги ҳам керак бўлмаган.

Хорен Оганесян 1990-91 йилларда чемпионат баҳсларида 46 ўйинда 10 тўп киритган. Арманистонда Оганесян ХХ асрнинг иккинчи ярмидаги энг яхши ўйинчиси, деб топилган. Узоқ йиллар СССР терма жамоасининг асосий футболчиларидан бири бўлган.