Бир футболчига Англиядан 5 гранд даъвогар

Англия Премьер-лигасида “Борнмут” шарафини ҳимоя қилаётган Дин Хёйсен келаси мавсумни катта эҳтимол билан юқори мақсадлар ва совринлар учун курашадиган қудратли жамоалардан бирида бошлайдиган бўляпти.

19 ёшли марказий ҳимоячига Премьер-лиганинг ўзидан бешта гранд клуб даъвогарлик қилмоқда. “Арсенал”, “Челси”, “Ливерпуль”, “Ньюкасл” ҳамда “Тоттенхэм” янги юлдузга ўз таркибидан жой беришга тайёр.

Хёйсенга Европанинг бошқа топ-лигалари қудратли клубларидан ҳам чорлов бор. Хусусан, “Реал” мутасаддилари ҳам бу ўйинчининг ўсишини диққат билан кузатмоқда ва ёзда уни олишга ҳаракат қилади.

“Борнмут” ҳимоячи билан 2030 йилнинг ёзигача давом этадиган шартнома тузиб қўйган. Лекин 50 миллион фунт миқдоридаги таклиф Хёйсенни олиб кетиш учун етарли сумма ҳисобланади.