Бир гала омадсизлар! Моуриньо собиқ жамоасини танқид қилди

Бу мавсум Португалия чемпионатида “Бенфика”ни бошқараётган Жозе Моуриньо собиқ жамоаси “Тоттенхэм”ни кескин танқид қилди.

- Сиз умуман “Тоттенхэм”дан нимани кутяпсиз? Улар жамоани финалга олиб чиққан мураббийларни ҳам, ҳатто Европа кубогини ютган мутахассисни ҳам ишдан бўшатишади.

Бу клубда ҳеч қачон катта клуб менталитети бўлмаган, улар кўпроқ ғолиб сифатида ниқобланган мағлублар гуруҳи.

Мураббийларни доим алмаштириб, барқарорлик кутолмайсиз.

Энг муҳим ўйин олдидан мураббийни ишдан бўшатиб, кейин мағлубиятларга ҳайрон қолиш, бу нотўғри ва ғалати.

Бир пайт келиб муаммо мураббийларда эмас, балки клуб маданияти ва раҳбарият қарорларида экани ойдинлашади.

Истеъдод характерсиз ҳеч нарсага арзимайди.  “Тоттенхэм”да эса бу иккиси ҳам йўқ, - деди Жозе Моуриньо.

Эслатиб ўтамиз, беш йил олдин Моуриньо Лига кубоги финалига бир неча кун қолганда ишдан бўшатилган ва ўша ҳал қилувчи учрашувда “Тоттенхэм” футболчилари “Манчестер Сити”га 0:1 ҳисобида ютқазган эди.