Бир ҳафта кўзимга кўринма! Бош мураббий охирги ўринга тушиб қолган жамоани уйга жўнатиб юборди

«Тоттенхэм»нинг «Астон Вилла»га қарши АПЛнинг бешинчи туридаги 2:3 ҳисобидаги мағлубиятидан сўнг жамоани бир ҳафталик танаффус кутмоқда. 

Бу ҳақда The Telegraph нашри журналисти Мэтт Лоу хабар берди. Қизиғи шундаки, бу қарор бош мураббий жамоа футболчиларининг жисмоний ҳолатидан қониқмаётганига қарамасдан кучда қолмоқда.

Маълум қилинишича, бир ҳафталик дам олиш режаси «Тоттенхэм» турнир жадвалида 20-ўринга тушиб қолишидан анча аввалёқ тасдиқланган. Шу боис Роберто де Дзерби режалаштирилган графикни ўзгартиришга қарор қилмаган. Танаффус фақат миллий жамоаларига чақирув олмаган футболчиларга берилади.

АПЛнинг ўтган қисми якунига кўра, «Тоттенхэм» ҳаммаси бўлиб атиги икки очко тўплади. Худди шунча очко «Фулхэм» ҳисобида ҳам бор. «Шпорлар» мавсумдаги илк голини фақат бешинчи турда, «Астон Вилла»га қарши ўйинда урди.