Биродар Абдураимов: Юрт учун бундай футбол ўйналмайди
Ўзбекистоннинг ЖЧ-2022 саралаш босқичининг иккинчи раундини ўзидан кучсиз бўлган Фаластинга ютқазган ҳолда бошлагани кескин танқид остига олинаётгани тўғри, албатта. Ҳаммани ғазаблантирган ва қаттиқ ранжитган бу ўйин атрофида турли гап-сўзлар пайдо бўлмоқда. Айниқса, жамоа ўйини ва мураббий томон жиддий танқидлар айтилаётгани ҳам табиий ҳол. Ўзбек футболи тарихида эса ўзидан ном қолдирган, афсонага айланган кишиларимиз ҳам бор. Биродар Абдураимов ана шундай инсонлардан бири. Терма жамоамизнинг мағлубиятидан қаттиқ хафа бўлган мутахассисдан жамоага тааллуқли айрим саволларга жавоблар олдик.
- Биродар Ҳасанович терма жамоамизнинг Фаластинга қарши ўйини ҳақида қандай изоҳ бера оласиз?
- Қисқача айтаман: юрт учун бунақа футбол ўйналмайди. Бундай ўйнагандан кўра ўйнамаган яхши. Ўйингача мулойим бўламиз-у, ўйинга чиққанда ҳамма ўзини четга оляпти. Бу мумкин эмас. Ё футбол ўйнаш керак ёки умуман ўйнашмасин. Мамлакатни бундай ўйин билан шарманда қилиш умуман керак эмас. Бунинг устига рақиб қўпол ўйнаса, бизникилар ўзини четга олди. Хуллас, бизникилар ўйнашмади. Тактика ҳақида мураббийларнинг ўзлари билишади. Чунки жамоанинг ўз мураббийи бор. Ютқазгандан кейин баҳона қидиришнинг ҳожати йўқ.
- Бу мағлубиятдан сўнг энди кўпчилик Эктор Купернинг истеъфосини талаб қилишмоқда. Сизнингча, у қолиши керакми ёки кетиши?!
- Ўртада шартнома бор-ку. Шартнома қандай тузилганидан биз хабардор эмасмиз. Ҳозир терма жамоа саралаш босқичидаги энди биринчи ўйинини ўтказди. Балки кейинги учрашувларда вазият ўзгариб, ғалабалар қозонишни бошлармиз. Лекин бу мағлубият ҳаммамизни ранжитди. Ўзбек футболи ўзининг ҳужумчилари билан ҳаммага танилган. Ҳаммаси мураббийга боғлиқ. Халқ футбол учун келади-да, уларни ҳужумкор ўйин билан хурсанд қилиш лозим.
- Ҳозирги вазиятдан келиб чиққан ҳолда Биродар Абдураимов қандай маслаҳат ва йўл-йўриқ кўрсата олади?
- Бизга ҳали бирор нима ҳақида гапириш у ёқда турсин, мураббий билан танишмаганмиз ҳатто. ЎФАдагилар бир оғиз бизни таништиришганида уларга ўзимизнинг таклифларимизни айтардик. Лекин чақиришмаган ва бир-биримизни билмаймиз ҳам. «Пахтакор» стадионида ўйин бўлса, улар нарироқда ўтиришади. Аммо мени билмаган ва танимаган одамнинг олдига мен пистончиман деб бормайман-ку. Афсуски, ЎФАдагилар бу борада таништиришмаган ҳам, бу уларнинг камчилиги деб ўйлайман.
- Барибир Фаластинга ютқазиб қўйганимизни хазм қилиш қийин бўляпти…
- Афсуски, футболимиз шу ҳаволга тушиб қолди. Ўзбекистон ким-у, улар ким? Тўғри, ютқазиш ҳар қандай жамоага мумкин. Лекин бундай рақибга…очиғи, ватан учун бундай мағлубиятга сира рози бўлолмайман. Футболчиларимиз юрт учун ўйнашганида бундай бўлмасди.
Фикрлар
Биринчи бўлимда Фаластин биздан қўрқиб, чўчиб ўйнади. Иккинчи бўлим бошида хам, кейин кўрдики Ўзбекистонни бўлгани шу ва қўрқмай олдинга ўтишни бошлади. Бизнинг футболчилар ватанпарварлик рухида хар қанча баландпарвоз гапиришмасин, улар учун пул, шахсий манфаат, карьера биринчи ўринда экан. Ўйинни бошидан охиригача бирор бир футболчимизда, русча айтганда "самоотдача", ўзбекчасига жонини жабборга бериш, иштиёқ деган нарсани кўрмадим. Сунъий майдон экан деб жарохат олишдан қўрқиб, тезроқ тўпдан қутилиш пайида бўлишди. Сон саноқсиз брак ва хатолар хам шуни орқасидан.
Ўйлашингиз мумкин, бұ "куперчи" шекилли, футболчиларни ёмонлаб, мураббийни оқламоқчи деб. Йўқ ундай эмас. Тўғри Купер хато тактика бераётгандир, мотивация бера олмаётгандир... Лекин майдонга чиққанлар ўзбек ўғлонларику, ЎЗБЕК номи учун ўйнагандан кейин, йиртиб ташламайдими!!!?? Куперга хатосини майдонда кўрсатиб қўймайдими!? Йўқ, битта Жарохат олса жамоасидаги жойини йўқотиб қўядику бояқиш... Ватан уни клуби берган пулни берармиди...
Ўша куни терма жамоамиз ўйинидан кейин Россия термаси ўйинини кузатдим. Юқорида айтганим самоотдачани қаранг. Уларни нима билан рухлантиришган билмадиму, бизникиларга шундан катта дозада бериш керак. Агар шу бизникилар қилган ўйинни мисол учун Шимолий Кореялик футболчилар кўрсатганда ватанида хоинликда айбланишига шубха йўқ. Бизда эса хамма ёқ тинч, худди шундай бўлиши керак дек. Энг хайрон қолаётганим хаттоки ЎФА рахбарияти бирон бир муносабатини билдирмади ўйин борасида... Салбийми, ижобийми, нейтралми жаноб Эрматовни фикрларини эшитиш биз учун қизиқ бўларди. Нима учун у киши жим!? Менимча хозир хаммамиз ёмонлаётган ўша Ахмаджонов хам ўз муносабатини билдирган бўларди. Катта эхтимол Ахмаджонов фаластинга хам жамоа билан учиб ўйинни стадионда кузатган буларди. Нима учун ЎФА жим? Ёки олдинги рахбариятнинг провалини кўрсатиб қўйиш учун бу цикл қурбон қилиняптими... Хуллас доимгидек саволлар кўп, жавоб йўқ...
Naxotki 4 4 2 da uynomasa bu c lar
Менимча таништиришда эмас хали мураббий танлашдан олдин фахрийлар б/н маслахатлашиш шарт эди.
Кари билганни ПАРИ билмас)))- деган машоихлар.
Уша хатоларни жабрини мана энди биз мухлислар тортяпмиз, хали яна бир муддат жабр тортсак керак.