Биттада олти ўйинчи кетади

ПСЖ клубининг янги спорт директори Луис Кампос ёзги трансферлар мавсуми давомида бирданига олти футболчи билан хайрлашишга қарор қилди.

Манбанинг таъкидлашича, келаси мавсум олдидан Андер Эррера, Идриссу Гуйе, Жоржиньо Вейналдум, Леандро Паредес, Левен Кюрзава ва Мауро Икарди ўзига янги жамоа топишига тўғри келади.

Юқорида номи келтирилган футболчилар орасида Вейналдум янги ўйинчи ҳисобланарди. У ўтган ёз эркин агент сифатида “Ливерпуль”дан келган. Бироқ, Франция чемпионатидаги илк мавсуми омадсиз чиқди.