Бизга Холанд эмас, Муҳаммад Салоҳ керак!

“Барселона” раҳбарияти Эрлинг Холанд трансферидан воз кечди, деб хабар бермоқда Испаниянинг AS нашри.

Манбанинг таъкидлашича, каталонияликлар ёзда “Ливерпуль” ҳужумчиси Муҳаммад Салоҳни трансфер қилишни режалаштирган. Клуб хўжайинлари мисрлик тўпурар “Барселона”нинг ўйин услубига идеал тарзда мос тушади, деган фикрни илгари сурмоқда.

Маълумот ўрнида айтиш жоизки, африкалик ҳужумчи айни пайтда ливерпулликлар билан янги битим борасида келиша олмаяпти. У жамоада қолиши кўпроқ клуб хўжайинларининг қарорига боғлиқ эканини таъкидлаган.

“Ливерпуль” раҳбарияти эса Муҳаммад Салоҳ талаб қилаётган маошни беришга кўнмаяпти.

Муҳаммад Салоҳ жорий мавсумда 35 та учрашувда қатнашиб, рақиблар дарвозасини 28 маротаба ишғол қилди ва ўнта голли пас оширди. Унинг амалдаги битими бир йилдан сўнг якунланади.