Бизга яна дарвозабон керак

“Арсенал” бош мураббийи Микель Артета клуб раҳбариятидан ёзги  трансферлар ойнаси ёпилгунича яна бир дарвозабон олиб беришни сўраяпти.

Айни пайтда “канонирлар” сафида Давид Райя биринчи рақамни ўзиники қилиб турибди. Ундан олдин асосий дарвозабон бўлган Аарон Рамсдейл захирада ўтиришга кўнмаяпти ва шу кунларда бошқа клубга ўтишга ҳаракат қиляпти.

Яқингача Рамсдейлни кутган “Вулверхэмптон” бу трансферни амалга оширмайдиган бўлди. Бироқ “Саутгемптон” тажрибали посбонни ижарага олишни режалаштиряпти. “Авлиёлар” аслида “Фейеноорд” голкипери Юстин Бейлони чақирган эди. Бу посбон тиббий кўрикдан ўтолмади.

Агар Рамсдейл клубни тарк этса, “Арсенал” бош мураббийи унинг ўрнига “Эспаньол” вакили Хуан Гарсияни олиб келади. 23 ёшли дарвозабон ҳам катта клубга ўтишга қарши эмас.