Бизни мундиалда қандай тарихий воқеалар кутмоқда?
“Жаҳон чемпионати-2026” учун барча 48 иштирокчи терма жамоаларнинг якуний таркиблари тасдиқланганидан сўнг энг қизиқарли статистик маълумотлар маълум бўлди.
Португалия терма жамоаси ҳужумчиси Криштиану Роналду жаҳон футболидаги ноёб ютуқни қайд этади. У Аргентина терма жамоаси сардори Лионель Месси ва Мексика терма жамоаси дарвозабони Гильермо Очоа билан бирга тарихда олти марта жаҳон чемпионатида қатнашган илк футболчиларга айланади.
Шунингдек, турнир ёш бўйича ҳам рекордлар билан ажралиб туради. Энг ёши катта футболчи Шотландия терма жамоасининг 43 ёшли дарвозабони Крэйг Гордон бўлади. 41 ёшли Роналду ҳам Очоа билан бирга мундиалнинг энг ёши катта уч нафар иштирокчиси қаторига киради.
Жаҳон чемпионатининг энг ёш иштирокчиси Мексика терма жамоасининг 17 ёшли ярим ҳимоячиси Хильберто Мора бўлади. Умуман олганда, турнир қайдномаларида 20 ёшдан кичик бўлган 22 нафар ва 40 ёшдан ошган етти нафар футболчи бор.
Қизиқ жиҳати шундаки, жаҳон чемпионатидаги энг баланд ва энг паст бўйли футболчилар ўртасидаги фарқ 45 сантиметрни ташкил этади. Энг баланд футболчи Австрия терма жамоаси дарвозабони Флориан Вигеле (205 см), энг паст бўйли футболчи эса Панама терма жамоаси ярим ҳимоячиси Сесар Янис (160 см) ҳисобланади.
“Жаҳон чемпионати-2026” учун рекорд даражадаги 1248 нафар футболчи рўйхатдан ўтказилган. Уларнинг 891 нафари учун мазкур турнир дебют бўлса, 357 нафар футболчи аввал ҳам жаҳон чемпионатларида иштирок этган.
Жаҳон чемпионати 11 июндан 19 июлгача АҚШ, Канада ва Мексикада бўлиб ўтади ҳамда тарихда биринчи марта 48 та миллий терма жамоа иштирокида ташкил этилади.
Манчестерликларга керак бўлмай қолган Рэшфордга бешта клуб иш таклиф қиляпти
“Манчестер Юнайтед”га ўтган йилнинг ёзидан бери керак бўлмай қолган ҳужумчи Маркус Рэшфордга ҳозирнинг ўзида бешта клуб иш беришга тайёр.
Испаниянинг амалдаги чемпиони “Барселона”да ижара муддати тугаганидан кейин Рэшфордни 26 миллион фунт стерлингга сотиб олиш ҳуқуқидан фойдаланиш учун 15 июнгача вақт бор. Бироқ кун сайин Маркуснинг Каталония клубига доимий трансфери эҳтимоли камайиб бормоқда.
“Манчестер Юнайтед” раҳбарияти “Барселона” билан музокараларда каталонияликларга ҳеч қандай ён беришни режалаштирмаяпти ва Маркуснинг муваффақиятли мавсумидан кейин уни фойдали нархда сотишига ишонмоқда.
Турли манбалар маълумотларига кўра, Англия терма жамоасининг 28 ёшли футболчисига Англия Премьер-лигасининг камида учта клуби қизиқмоқда. Гап “Ньюкасл”, “Астон Вилла” ва “Тоттенхэм” ҳақида кетмоқда.
Шунингдек, Бундеслига гранди “Бавария” ҳам Рэшфордни ўз сафига қўшиб олиш имкониятини кўриб чиқмоқда. Мюнхенликлар яқинда Энтони Гордон учун курашда “Барселона”га ютқазган эди ва бу позицияни энди Маркус Рэшфорд ёрдамида кучайтирмоқчи.
Мундиал олдидан ажойиб рейтинг: Ҳусанов ва яна 18 футболчи!
ФИФА Ҳусановга алоҳида тўхталди!
Фикрлар