Боатенг Берлусконининг жамоасига ўтди

"Монца" тез орада ўз сафини "Фиорентина" ярим ҳимоячиси Кевин-Принс Боатенг билан кучайтиради.

La Gazzetta dello Sport нашри тарқатган хабарга кўра, “Монца” 33 ёшли ганалик футболчи билан 1 йиллик шартнома имзолаган. Боатенг эртага жамоага келиб қўшилади.

Таъкидлаш керакки, “Монца” клуби “Милан”нинг собиқ хўжайини Сильвио Берлусконига тегишли.

Кевин-Принс Боатенг “Фиорентина” сафида ўтган мавсум 15 та ўйинда майдонга тушиб, 1 та гол урди. Мавсумнинг иккинчи ярмини эса “Бешиктош”да ижарада ўтказди.