Боб Арум Тайсон Фьюри ва Александр Усик жанги қачон бўлишини маълум қилди

Тайсон Фьюрининг америкалик промоутери Боб Aрум Фьюри ва Aлександр Усик ўртасидаги оғир вазнда мутлақ жаҳон чемпиони унвони учун жанг яқин келажакда бўлиб ўтишига ишонади.

WBC чемпиони Фьюри ва WBA, IBF ва WBO чемпиони Усикнинг жамоалари шу йилнинг баҳор ва ёз ойларида жанг ўтказиш бўйича келиша олишмади, Усик эса август ойида WBA  йўналиши бўйича мажбурий даъвогар Даниэль Дюбуага қарши жангда ўз чемпионлик унвонини муваффақиятли ҳимоя қилди, Фьюри эса 28 октабрь куни собиқ UFC  чемпиони Фрэнсис Нганнуга қарши жанг ўтказади.

"Бу қийин бўлмайди", деди Aрум мутлақ чемпионлик унвони учун курашни ташкил қилиш ҳақида Sky Sports нашрига берган интервьюсида. “Усикнинг жамоасини биламан, улар яхши одамлар. Унинг менежери, промоутери, ажойиб инсонлар. Ва Усикнинг ўзи ҳам ажойиб йигит. Менимча, у бу жангни хоҳлайди. Ўйлайманки, бу жанг бўлади ва умид қиламанки, тез орада бўлади. Балки келаси йилнинг бошида, катта эҳтимол билан эса бу декабрь ойида содир бўлиши мумкин.  Мен унинг Усик билан жанг қилишини жуда истардим. Ишонаманки, Фьюри Усик билан жангда ғалаба қозонса, яна бир-икки жанг ўтказиб, кейинги авлодга йўл очади”, — деди Aрум.