Бога учун курашда "Наполи" фаворит

"Сассуоло" клуби вингери Жереми Бога жамоасини ўзгартиришга яқин турибди.

Tuttomercatoweb нашри тарқатган хабарга кўра, 23 ёшли ивуарлик футболчига "Наполи", "Барселона", "Боруссия", "Челси" ва "Ювентус" клубларидан қизиқиш бўлмоқда. Аммо, улар орасида неаполликлар фаворит сифатида эътироф этиляпти. Улар Бога учун 20 млн евродан воз кечишга тайёр.

Бога жорий мавсум “Сассуоло” сафида 25 та ўйинда майдонга тушди ва 8 та гол ҳамда 4 та голли узатма ёздириб қўйишга эришди.