Бокс бўйича Россия чемпионати ўз якунига етди ёхуд Токио Олимпиадасидаги эҳтимолий рақибларимиз билан танишинг

  • 19 ноябрь, 2019, 19:02
  • 0
  • Бокс

Ҳаваскор бокс бўйича энг жиддий рақобатни мамлакатимиз чармқўлқоп усталарига Қозоғистон, Куба ва Россия вакиллари кўрсатишлари барчага маълум. Айниқса, сўнги жаҳон чемпионатида руслар ҳам ажойиб натижа кўрсатишди. Қолаверса, олдимизда Токио Олимпиадаси турибди. Шуни инобатга олсак, Японияда боксчиларимизнинг эҳтимолий рақиблари бўлиши мумкин бўлган, россиялик чармқўлқоп усталари ҳақида маълумот мухлисларни беэътибор қолдирмаса керак. Шуни инобатга олиб, Россия чемпионатида ғолиб чиққан боксчиларни эътиборингизга ҳавола этамиз. Албатта, бу билан ушбу чемпионат ғолиблари аниқ Олимпиадада қатнашади дейиш фикридан йироқмиз. Чунки, ҳали йўлланмалар берувчи турнирлар бор...

Бу галги Россия чемпионатига Самара шаҳри мезбонлик қилади. Турнирда бир қатор кутилмаган натижалар ҳам бўлиб ўтди. Мисол учун, Василий Егоров, Алексей Мазурлар финалда имконият бой бериб қўйди.

Қуйида, Россия чемпионати ғолиблари билан танишинг:

- 49 кг
 Эдмонд Худоян

- 52 кг
Расул Салиев

 

- 57 кг
Aлберт Батиргазиев

 

- 60 кг
Жамол Бадрутдинов

 

- 63 кг
 Габил Мамедов

- 69 кг
Шоҳаббос Махмудов

- 75 кг
 Максим Коптяков

 

- 81 кг
Имом Хатаев

 

- 91 кг
Иван Сагайдак

 

+ 91 кг
Иван Верясов

Габил Мамедов Россия чемпионатининг энг яхши боксчиси деб топилди.

Умумжамоа ҳисобида Ханти-Мансийск автоном округи ғолиб бўлди, иккинчи ўрин Москва вилояти жамоасига, учинчи ўрин эса Доғистон республикасига насиб этди.

Турнирнинг мукофот жамғармаси 10 миллион рублни ташкил этди. Россия чемпионати ғолибларига 500 минг рубль миқдоридаги пул сертификатлари ва Lada Vesta автомобилининг калитлари топширилди. Кумуш медал совриндорларининг ҳар бири 300 минг рубль, бронза медаллари эгалари эса ҳар бири 100 минг рублдан олишди. Спортчиларнинг шахсий мураббийлари ҳам тақдирланади.

Екатеринбургадаги жаҳон чемпионатида ғолиб бўлган, Муслим Гаджимагомедов (-91 кг гача), Глеб Бакши (-75 кг гача) ва Aндрей Замковой (-69 кг гача), шунингдек бронза медал совриндори Максим Бабанин (+91) Россия чемпионатидаги иштирокидан озод этилган эди. Ушбу тўрт боксчи билан бир қаторда чемпионатдаги қолган вазн тоифаси чемпионлари Олимпиадага йўлланма берувчи мусобақаларда иштирок этишади.

Фикрлар

Фикр қолдириш учун авторизациядан ўтинг!