Бокс. Жаҳонгир Зокиров Ўзбекистон чемпиони!

Шу тариқа бу галги Ўзбекистон чемпионати ҳам ўз якунига етди.

19:02, +92 кг вазн тоифасидаги финал жангида Жиззах вилояти вакили Жаҳонгир Зокиров Тошкент шаҳри вакили Абдураҳим Жўраев билан тўқнаш келди. Ушбу тўқнашувда Зокиров 5:0 ҳисобида зафар қучиб, Ўзбекистон чемпионига айланган бўлса, мос равишда Жўраев кумуш, андижонлик Дониёрбек Умаров ҳамда самарқандлик Улуғбек Шомуродов бронза медалини қўлга киритишди. 

18:45, -92 кг вазн тоифасида икки номдор вакилларимиз Фарғона вилояти вакили Лазизбек Муллажонов тошкент вилояти вакили Мадияр Саидраҳимов ўзаро баҳс юритишди. Қизиқарли кечган баҳсда Мулложонов 5:0 ҳисобида ғалаба қозониб, чемпионликни қўлга киритган бўлса, Сайидраҳимов кумуш, наманганлик Элёрбек Жўрабоев ва РОПЗМ вакили Нусратбек Тохиров бронза медалига эга чиқишди. 

18:32, - 86 кг вазн тоифасида РОПЗМ вакили Шоҳжаҳон Абдуллаев Тошкент шаҳри боксчиси Самандар Жалоловга қарши финал жангида тўқнаш келди. Ушбу қарама-қаршиликда Абдуллаев 1-раундни ўз фойдасига ҳал қилди. Бироқ, жангни давом эттирмаслигини билдирди ва шу тариқа жалолов Ўзбекистон чемпионига аланди. Абдуллаев эса кумуш билан чекланди. Сурхондарёлик Ақмурод Ғаффоров ва Тошкент вилояти вакили Жўрабек Тоштемиров бронза медалига эга чиқишди.

18:19, -80 кг вазн тоифасидаги финал жангида Тошкент вилояти вакили Тўрабек Ҳабибуллаев ва РОПЗМ вакили Жасурбек Йўлдошевлар баҳс юритишди. Жуда ҳам кескин ўтган жангда Ҳабибуллаев 5:0 ҳисобида зафар қучди ва Ўзбекистон чемпионига айланди. Кумуш Йўлдошевга насиб қилган бўлса, бронза медаллари Андижон вилояти боксчиси Отабек Турдихўжаев ва наманганлик Раҳматулло Бойматовга насиб этди.

18:00, -75 кг вазн тоифасида Наманган вилояти вакили Аълохон Абдуллаев ёшлар терма жамоаси аъзоси Жавоҳир Умматалиевга қарши баҳс юритди ва 3:2 ҳисобида зафар қучди ва Ўзбекистон чемпиони номига сазовор бўлди. Шундай қилиб, кумуш медални Умматалиев қўлга киритган бўлса, бухоролик Алишер Аюбов ҳамда Қашқадарё вакили Сардор Шомуродов бронза медалини қўлга киритди.  
17:45, -67 ва - 71 кг вазн тоифасидаги финаллар жароҳатлар сабабли ўтказилмади. 

17:38, - 63,5 кг вазн тоифасида бир-бирига мос бўлган рақиблар Андижон вилояти вакили Мужибулло Турсунов ҳамда Руслан Абдуллаев куч синашди. Қизиқарли ва муросасиз кечган жангда Руслан Абдуллаев 5:0 ҳисобида ғалаба қозониб, Ўзбекистон чемпионига айланди.  Кумуш медаль Мужибулло Турсуновга насиб қилган бўлса, Тошкент вилояти вакили Адҳамжон Муҳиддинов ҳамда ёшлар терма жамоаси вакили Абдуллоҳ Мадаминов бронза медалини қўлга киритишди. 

17:26, - 60 кг вазн тоифасидаги финал жангида Сурхондарё вилоти боксчиси Дилшод Абдумуродов ёшлар терма жамоаси аъзоси Асадбек Раджабовга қарши баҳс юритди. Анчагина қизиқарли кечган тўқнашувда Абдумуродов 4:1 ҳисобида ғалаба қозонди ва мамлакат чемпионига айланди. Шу тариқа кумуш Раджабовга, бронза медаллари эса Бухоро вилояти боксчиси Баҳтиёр Асадов ҳамда ёшлар терма жамоаси аъзоси Саят Ильясовга насиб этди. 

17:03, -57 кг вазнда Фарғона вилояти  вакили тажрибали Миразизбек Мирзахалилов Тошкент вилоти шарафини ҳимоя қилаётган Худойназар Файзовга қарши рингга кўтарилди. Мазкур қарама-қаршиликда тажрибали Мирзахалилов 5:0 ҳисобида зафар қучиб, навбатдаги чемпионликни ўз ҳисобига ёзиб қўйди. Шу тариқа кумуш Файзовга, бронза медаллари эса Андижон 1 жамоаси аъзоси Аюбхон Баҳтиёров ҳамда Андижон 2 жамоаси вакили Муҳаммаднуриддин Кимсанбоевга насиб этди.

16:50, - 54 кг вазн тоифасидги финал жангида бухоролик Шаҳзод Музаффаров Жиззах вилояти вакили Фозилжон абдумуродовга қарши жанг қилди. Жуда шиддатли кечган жангда Музаффаров 5:0 ҳисобида ғалаба қозонди ва яна бир бор Ўзбекистон чемпиони номига сазовор бўлди. Шу тариқа кумуш Абдумуродовга, бронза медаллари РОПЗМ вакили Зиёвуддин Алижонов ва Сурхондарё вилояти боксчиси Хўжаназар Нортожиевга насиб этди. 

16:30, -51 кг вазн тоифасида Ўзбекистон чемпионлиги учун Бухоро вакили Асилбек Жалилов ЖТСУ(Жисмоний тарбия ва спорт универститети) вакили Муҳаммадқодир Мамиржоновга қарши баҳс юритди. Муросасиз ўтган жангда Жалилов 5:0 ҳисобида ғалаба қозониб, мамлакат чемпионига айланган бўлса, Мамиржонов кумуш ва Фарғона вакили Абдумажид Маннопов ҳамда Соҳибжон Содиқжоновлар бронза медалини қўлга киритишди. 

16:15, - 48 кг вазн тоифасидаги илк финал жангида Фарғона вилояти вакили Шодиёржон Мелиқўзиев яна бир фарғоналик Авазжон Йўлдошевга қарши жанг қилди ва унда Мелиқўзиев 5:0 ҳисобида ғалаба қозонди. Шу тариқа у Ўзбекистон чемпионига айланган бўлса, кумуш мос равишда Йўлдошевга насиб этди. Бронза медаллари эса Тошкент шаҳри вакили Нодиржон Мирзааҳмедов ва Тошкент вилояти боксчиси Абдуқаюм Машариповларга насиб этди. 

16:00. Айни дамда бокс бўйича Ўзбекистон чемпионатининг эркаклар ўртасидаги жанглари старт олди. Ушбу хабарда матнли трансляция шаклида жанглар натижалари билан онлайн танишиб боришингиз мумкин.