Boks. Kattalar oʻrtasida Oʻzbekiston chempionatida jami necha nafar bokschi ishtirok etishi maʼlum

Boks bo‘yicha 2026 yildgi kattalar o‘rtasida O‘zbekiston chempionatining bu safargi mavsumida 278 nafar charm qo‘lqop ustasi ishtirok etadigan bo‘ldi. Ulardan 198 tasi erkaklar, qolgan 80 tasi ayollardan iborat. 

Janglar payshanba kuni (15 yanvar) soat 11:00 dan start oladi. Musobaqa Olimpiya shaharchasining Yakkakurash zalida o‘tkazilishi belgilangan.

Muxlislar uchun kirish mutlaqo bepul. Bu haqida O‘zbekiston boks federatsiyasi xabar bermoqda.