Боксчи аёл саратон касаллигидан вафот этди

Ирландиялик профессионал боксчи аёл Жоржия О'Коннор 25 ёшида саратон касаллигидан вафот этди. Спортчи турмуш қурганига эндигина икки ҳафта бўлган эди. Бу ҳақда "Daily Mail" нашри хабар бермоқда.

Маълумотларга кўра, 2024 йил октябрь ойида О'Коннорга "саратоннинг камдан-кам учрайдиган ва даволаб бўлмайдиган" шакли ташхиси қўйилган. 

Эслатиб ўтамиз, Жоржия ҳаваскорлар бўйича Ҳамдўстлик чемпиони, 2017 йилги ёшлар ўртасидаги жаҳон чемпионати кумуш медали совриндори, 2018 йилда бронза медали соҳибига айланганди. 2021 йилда у профессионал боксда дебют қилиб, учта жанг ўтказди ва уларнинг барчасида ғалаба қозонган эди.